Home \ NOVOKAIN 0,5%; 1%

NOVOKAIN 0,5%; 1%

novokain__10ml.jpg
1. UMUMIY MA’LUMOTLAR
1.1 Novokainning 0,5, 1 va 2% lik eritmasi.

1.2. Faol ta’sir etuvchi moddasi novokain - paraaminobenzoy kislotasining β-dietilaminoetil efirining gidroxloridi hisoblanadi. Sinonimlari: prokain, aminokain, sitokain, pankain, sintokain.

1.3. Novokain eritmasi rangsiz yoki och sariq rangli, ko’rinuvchan mexanik aralashmalari bo’lmagan shaffof suyuqlikdir. 1 ml novokainning 0,5; 1 va 2% eritmasida mos holda 5,0; 10,0 va 20,0 mg novokain mavjud.

1.4. Preparat 10, 20, 50, 100, 200 va 250 ml sig’imli flakonlar va butilkalarga qadoqlangan holda ishlab chiqariladi. Preparat B ro’yxati bo’yicha quruq, yorug’liqdan pana bo’lgan joyda, 0o C dan +25oC gacha haroratda saqlanadi. Preparatning yaroqlilik muddati 2 yil. 

2. FARMAKOLOGIK XUSUSIYATLARI
2.1 Novokain mahalliy anestetik ta’sir ko’rsatadi, keng ko’lamli davolash ta’siriga ega. Novokain organizmga umumiy ta’sir ko’rsatadi, atsetilxolin hosil bo’lishini kamaytiradi va periferik xolinreaktiv tizimlarni qo’zg’aluvchanligini pasaytiradi, vegetativ gangliylarga bloklovchi ta’sir ko’rsatadi, silliq mushaklarning spazmlarni pasaytiradi, yurak mushagining qo’zg’aluvchanligini va bosh miya po’stlog’ida motor zonalarining qo’zg’aluvchanligini pasaytiradi.

2.2 Organizmda novokain tez gidrolizlanadi, hamda farmakologik faol moddalar bo’lgan paraaminobenzoy kislotasini va deetilaminoetanolni hosil qiladi. Paraaminobenzoy kislotasi (N vitamini) foliy kislotasi molekulasining tarkibiy qismi bo’lib, antigistamin xususiyatiga ega, detoksikatsiya jarayonlarida ishtirok etadi, antisulfanilamid ta’siriga ega. Deetilaminoetanol o’rtacha qon tomir kengaytiruvchi ta’siriga ega.

2.3 Novokain tez va qisqa muddatli ta’sir etadi. Novokain eritmalarining so’rilishini kamaytirish va ta’sirini uzaytirish uchun, mahalliy anesteziya paytida ularga adrenalin gidroxloridning 0,1% eritmasini 1 tomchidan, va 2-10 ml novokain eritmasi qo’shiladi.

2.4 Toksik dozalarida novokain markaziy asab tizimining qo’zg’alishi, keyin esa falajiga olib keladi.  

 

3. QO’LLASH TARTIBI
3.1 Novokain 0,25%-0,5% eritmalar shaklida infiltratsiyaviy anesteziya uchun; 0,125-0,25% - A.V. Vishnevskiy usuli bo’yicha anesteziya uchun (qattiq sirg’aluvchan infiltratsiya); 1-2% – orqa miya anesteziyasi uchun qo’llanadi. Novokain eritmalari mahalliy anesteziya uchun qo’llanganda, ularning konsentratsiyasi va miqdori jarrohlik usulining xususiyatiga, qo’llash usuliga, hayvonning holati va vazniga bog’liq bo’ladi.

3.2 Novokain eritmasi maxsus va simptomatik vositalar bilan birga-likda hayvonlarga turli yuqmaydigan kasalliklarni davolashda belgilanadi. U oshqozonning yarali kasalliklarida, atoniya hamda old oshqozon va ichak timpaniyasi, dispepsiya, spastik sanchiq og’riqlarda, ichakning mexanik berkilib qolishi, travmatik peritonit, retikuloperitonit, qon tomirlarining spazmlarida (V.V. Mosin bo’yicha blokada va bel blokadasi); bronxopnevmoniya, kataral pnevmoniya, o’pka giperemiyasi va shishlari holatida (A.I. Fedotov bo’yicha blokada) qo’llanadi.
Oftalmologiyada novokain otlarda keratit, keratokon’yunktivit, vaqt-vaqti bilan ko’z yallig’lanishida (ko’z osti blokadasi) qo’llanadi.
Jarrohlikda novokain yaralarni, oqma yaralarni, miozitlarni, papillomatozni davolash uchun (tizza ichiga yoki tomir ichiga) ishlatiladi.
Akusherlik-ginekologiya amaliyotida novokain sigirlarda va echkilarda metritlar, endometritlar, bachadon va jinsiy qini tushib qolishi, yo’ldosh ushlanib qolishi (paranefral blokada), seroz-kataral mastitlarda (B.A. Bashkirov yoki D.D. Logvinov bo’yicha 0,5% eritmani shikastlangan joyga 30-50 ml dan sisternal usulda kiritish va yelin blokadasi usulida kiritish) belgilanadi.

3.3 Qorin asablari va chegaraviy simptomatik asab naylarining V.V. Mosin bo’yicha novokainli blokadasi uchun 0,5% novokain eritmasi ishlatiladi. Eritma oxirgi qovurg’aning oldingi cheti va hayvon belining eng uzun mushagining lateral chetining kesishuvi nuqtasida, oxirgidan oldingi ko’krak umurtqasining tanasiga tiralguncha, kiritiladi. Yirik qoramol va otlarga 1 kg tana vazniga 0,5 ml hisobida, cho’chqalar, itlar, qo’ylar va echkilarga - har bir tomonidan 15-20 ml dan, tulkilar, quyonlar va mushuklarga - 3-5 ml dan kiritiladi. Paranefral blokada uchun (A.V.Vishnevskiy bo’yicha) novokain buyrak yoni hujayra qatlamiga 0,25-0,5% eritma shaklida kiritiladi. Novokain eritmalari shuningdek tomir ichiga, teri ostiga va og’iz orqali (0,25-0,5%), mushak ichiga (1-2%) qo’llanadi.

3.4 Novokainning eng yuqori bir marotabalik dozalari:

- otlarga:                                                            - 2,5 g,
- yirik qoramolga:                                               - 2,0 g;
- mayda shoxli mollarga va cho’chqalarga:           - 0,5-0,75 g;
- itlarga:                                                             - 0,5 g.

3.5  Novokainning 0,5%, 1%, 2% eritmalarini 0,125-0,25% eritmalarini olish maqsadida suyultirish uchun, natriy xloridning 0,9% izotonik eritmasi yoki Ringer-Lokk eritmasi ishlatiladi. Ushbu suyultirishlar bevosita qo’llanishidan avval tayyorlanadi.

3.6 Novokainning 0,5% eritmasini antibiotiklar (bitsillin, penitsillin, streptomitsin) suyultirish uchun ishlatish mumkin.

3.7 Nojo’ya ta’siri. Kam hollarda allergik reaksiyalar kuzatilishi mumkin.

3.8 Qo’llash mumkin bo’lmagan holatlar. Preparatni novokainga yuqori shaxsiy sezgirligi bo’lgan hayvonlarga qo’llash taqiqlanadi. Sulfanilamidlarning antibakterial faolligi ehtimoliy pasayshi sababli, preparatni ular bilan birga qo’llash tavsiya etilmaydi.

3.9 Preparatni qo’llash paytida va undan keyin olingan chorvachilik mahsulotlari cheklashsiz oziq-ovqat maqsadlari uchun ishlatiladi.  

 

4. E’TIROZLARNI BILDIRISH TARTIBI
4.1 Preparat mazkur Yo’riqnomaning talablariga mos kelmagan holda, uni qo’llash to’xtatiladi, bu haqda O’zbekiston Davlat veterinariya preparatlarining ilmiy-nazorat laboratoriyasiga quyidagi manzil bo’yicha bildiriladi: 700178, Toshkent shahri, A.Yunusov ko’chasi, 1a-uy. Tel./faks: 228-76-14, 229-30- 47. E-mail: uzgnkl@rambler.ru. Ayni paytda laboratoriya manziliga laboratoriya bilan avvaldan kelishilgan miqdorda preparatning ochilmagan o’ramlari, va preparatning Yo’riqnoma talablariga mos kelmasligi xususiyatlarining batafsil ta’rifi yuboriladi.

 

bo'limga qaytish